電熱水爐減少或避免觸電其實好簡單

最近看到一則新聞，2018年一名老婦使用電熱水爐導至觸電身亡:


https://www.singtaousa.com/%E6%97%A5%E5%A0%B1/%E9%A6%99%E6%B8%AF/1277537-%E5%85%AD%E6%97%AC%E5%A9%A6%E6%9D%91%E5%B1%8B%E6%B4%97%E6%BE%A1%E8%A7%B8%E9%9B%BB%E4%BA%A1/



要避免或降低意外其實好簡單，就係安裝漏電斷路器，跟據機電署2009年電力工作守則，浴室內安裝電熱水爐於高度2.25米以下必須安裝漏電斷路器。可惜對於2009年前已安裝的電力系統係冇得追索，政府／機電署又從來不向市民建議檢查／更新電力設備。所有店舖賣電熱水爐的安裝師傅於現場如果發現冇安裝到漏電斷路器，都唔會叫你安裝，係因為安裝成本要4百到八百元，一般用戶買個爐才2千元左右，所以才做成這個市場現像。

對於好舊的村屋（超過三十年）使用電熱水爐其實好危險，因為一般係冇安裝漏電斷路器， 屋內的水線有機會冇良好地接通到屋外泥土裡面深處，做成水線的導電作用失效。

想知道自己屋企電熱水爐有沒有安裝漏電斷路器或電箱已經做左連線？ 好簡單，打開電箱蓋，搵裡面有啲掣面寫著"測試掣"或"test button"，按下去，這時電熱水爐應該冇電開唔著了，如果其他電器冇電但電熱水爐仍然可以開到電，便可能係電熱水爐線路冇經過漏電斷路器，可以搵電工更改線路加翻，一係喺浴室裡面電熱水爐電線蘇面更換成漏電斷路器功能的蘇面（香港比較難買，一係用淘貨）。

為自己或他人著想，應該搵師傅盡快安裝漏電斷路器!!!

其實如果自己有一些電子／電工知識的話，可以係安全情況下自行安裝： 關上電箱總電源，然後用螺絲批打開牆身接通電熱水爐的插座，更換自行購買的漏電斷路器， 香港一般有賣的牆身用漏電斷路器，要350元左右， 我自己用過taobao的，都一樣可靠，只係60-70元。

安裝完之後重新開關電箱總電源，打上漏電斷路器，掣面上的指示燈應該會亮著，然後按掣面上面的測試按鈕，這時候指示燈應該會息左，代表漏電斷路器是工作正常的。

恭喜你，你家中的安全指數已達到最新的電力安全標準了。
使用和保養替示：漏電斷路器應該每三個月自行檢查一次，方法係按上面的做法去按一下測試按鈕。

香港電熱水爐分類

太多人唔理解熱水爐運作原理，嘗試解釋一次：
香港標準的熱水爐有兩種：1.高壓爐，2.低壓爐或叫花曬式


高壓爐英文叫unvented(非排氣式）
低壓爐或花曬式英文叫vented（排氣式或無壓力），排氣依靠牛角掣


大陸爐只有一種冇分類，實際因為冇排氣（非排氣式），即係高壓爐。


排氣保命裝置：
香港標準的高壓爐： 洩壓閥（relief valve)
香港標準的低壓爐：香港賣的牛角掣
大陸爐： 只有一種：洩壓閥


其實香港賣的牛角掣只要裝落任何一種大陸／香港高壓爐
，即刻變成香港式低壓爐（vented type)，可以即時保命，缺點係只能單點出水使用，煲水時會有熱水彈出花灑頭。

大陸個種外型相似香港款式牛角掣係冇得排氣，（只賣十五元），所以用落香港的低壓爐便會爆爐！

總結:要檢查熱水爐有冇爆爐風險，只需要檢查有冇其中一類保命裝置 : 洩壓閥 / 香港賣的牛角掣

3KW電熱水爐魔改5KW速熱式熱水爐‎

舊式電熱水爐一般只有3000W功率，加熱速度慢。我自行更換5KW加熱管，加熱速度大為提升67％！！！ 加強電流：改用CONTACTOR開關大電流，可以增加溫控制的使用壽命。加強接線：使用6mm電線和高溫油布絕緣，使用銅線耳上螺絲，降低氧化和電阻。 以後沖量唔洗慢長等待煲水。現在煲水幾分鐘已經有暖水出，十分鐘啲水會好熱，煲十五分鐘啲水滾到出晒煙。